नेपालले यूएईलाई २ सय ४० रनको लक्ष्य दियो

काठमाण्डौँ । आईसीसी विश्वकप क्रिकेट लिग–टू अन्तर्गत त्रिदेशीय शृङ्खलामा नेपालले यूएईलाई २ सय ४० रनको लक्ष्य दिएको छ ।

दुबईमा टस हारेर ब्याटिङ गरेको नेपालले ५० ओभरमा ९ विकेट गुमाएर २ सय ३९ रन बनायो । नेपालका भीम सार्कीले ४८, कुशल मल्लले ४५ रन बनाए । यूएईका जुनैद सिद्दिकी, मुहम्मद जावदुल्लाह र ध्रुव पराशरले २-२ विकेट लिए ।

यूएईमा चलिरहेको त्रिदेशीय शृङ्खलाको यो अन्तिम खेल हो । शृङ्खलामा घरेलु टोली यूएई, नेपाल र अमेरिका सहभागी छन् ।

नेपाल यसअघि पहिलो खेलमा अमेरिकासँग १ सय ६ रनले र अमेरिकासँगकै अर्को खेलमा ४ विकेटले पराजित भएको थियो । यस्तै नेपाल यसअघि यूएईसँगको खेलमा ५ विकेटले पराजित भएको थियो ।

नेपाल १९ खेलमा १२ अङ्कसहित तालिकाको सातौं स्थानमा छ । अमेरिका २४ खेलमा ३६ अङ्कसहित तालिकाको शीर्ष स्थानमा छ । यूएई १९ खेलमा ८ अङ्कसहित तालिकाको पुछारमा छ ।

थप समाचारहरु

नेपालले यूएईलाई दियो मध्यम लक्ष्य, आसिफको अर्धशतक त्रिदेशीय महिला टी-२० क्रिकेट : नेपालले नेदरल्यान्ड्सलाई दियो १४६ रनको लक्ष्य, पूजाको अर्धशतक आईसीसी विश्वकप लिग टु : पीएनजीलाई नेपालले दियो २९८ रनको लक्ष्य आईसीसी विश्वकप क्रिकेट लिग–२ मा आज नेपालले अमेरिकासँग खेल्दै नेपाल नामिबियासँग २३ रनले फेरि पराजित पीएनजीद्वारा यूएईलाई २४७ रनको लक्ष्य प्रस्तुत