त्रिविको शिक्षाध्यक्षमा अञ्जना सिंह र रजिस्ट्रारमा रवीन्द्र शिवाकोटी नियुक्त

काठमाडौं । त्रिभुवन विश्वविद्यालयको शिक्षाध्यक्षमा प्रा. अञ्जना सिंह र रजिस्ट्रारमा प्रा. रवीन्द्र शिवाकोटी नियुक्त भएका छन्। विश्वविद्यालयका उपकुलपतिले गरेको सिफारिसका आधारमा त्रिभुवन विश्वविद्यालयका कुलपति तथा प्रधानमन्त्री बालेन्द्र शाहले सिंहलाई शिक्षाध्यक्ष र शिवाकोटीलाई रजिस्ट्रार नियुक्त गरेका हुन्।

शिक्षा मन्त्रालय स्रोतका अनुसार नवनियुक्त शिक्षाध्यक्ष सिंह र रजिस्ट्रार शिवाकोटीले आज दिउँसो ३ बजे पद तथा गोपनीयताको शपथ लिनेछन्।शिवाकोटी त्रिभुवन विश्वविद्यालयको शिक्षा शास्त्र संकायका प्राध्यापक हुन् भने सिंह विज्ञान संकायकी प्राध्यापक हुन्।

• 

सरकारले गत वैशाखमा अध्यादेशमार्फत त्रिभुवन विश्वविद्यालयका तत्कालीन पदाधिकारीहरूलाई पदमुक्त गरेको थियो। त्यसपछि गत असारमा उपकुलपति नियुक्त भए पनि शिक्षाध्यक्ष र रजिस्ट्रारको नियुक्ति हुन सकेको थिएन। सिंह र शिवाकोटीको नियुक्तिसँगै त्रिभुवन विश्वविद्यालयको नेतृत्वमा बाँकी रहेका महत्वपूर्ण पदहरूमा पदपूर्ति भएको छ।