मनकामना केबलकार आजदेखि नियमित रूपमा सञ्चालन

काठमाण्डौँ । मनकामना केबलकार आजदेखि नियमित रूपमा सेवा सञ्चालनमा आएको छ । गत भदौ २३ र २४ गते भएको जेनजीको प्रदर्शनपछि २५ गतेदेखि बन्द गरिएको सेवा एक सातापछि सञ्चालनमा आएको हो ।

सेवा बन्दको अवधिमा केबलकारको नियमित मर्म सम्भारको काम भएको केबलकार कार्यालयका प्रमुख उज्वल शेरचनले बताउनु भएको छ ।

• 

• 

गोरखाको सहिद लखन गाउँपालिकास्थित मनकामनास्थित मनकामनामाईको मन्दिर जाने दर्शनार्थीको सहजताका लागि सञ्चालन गरिएको मनकामना केबलकार नेपालको पहिलो केबलकार हो । यस केबलकारको प्रवेशद्वार (बटम स्टेशन) भने चितवनको इच्छाकामना – ४ स्थित चेरेसमा पर्दछ ।