फिदिमका जनप्रतिनिधि, शिक्षक र कर्मचारीको ४७ लाख सहयोग

पाँचथर : भोटेकोशी बाढीपीडितका लागि पाँचथरको फिदिम नगरपालिकाले ४७ लाख ४९ हजार रुपैयाँ सहयोग गरेको छ।

नगरपालिकाका जनप्रतिनिधि, शिक्षक र कर्मचारीबाट संकलित रकम प्रधानमन्त्री राहत कोषमा जम्मा गरिएको हो।बाढीपीडितको उद्धार, राहत र पुनःस्थापनामा सहयोग पुगोस् भन्ने उद्देश्यले रकम संकलन गरिएको नगरप्रमुख मित्रप्रसाद काफ्लेले बताए।

• 

नगरपालिकाले विपद्को समयमा राहत तथा पुनःस्थापनाका काम प्रभावकारी बनाउन तीनै तहका सरकारबीच समन्वय आवश्यक रहेको जनाएको छ।