दाक्सु मिडिया
काठमाडौँ । निर्वाचन आयोगले राष्ट्रियसभा सदस्य निर्वाचनको तय कार्यक्रमअनुसार आज उम्मेदवारहरूको नामावली सार्वजनिक गर्ने भएको छ। यससँगै निर्वाचन प्रक्रिया औपचारिक रूपमा अगाडि बढेको छ।
आयोगका अनुसार भोलि उम्मेदवारहरूले आफ्नो उम्मेदवारी फिर्ता लिन सक्नेछन् भने सोही दिन अन्तिम नामावली प्रकाशन गरिनेछ। त्यसपछि पुस २८ गते उम्मेदवारहरूलाई निर्वाचन चिन्ह प्रदान गरिने कार्यतालिका रहेको छ।
राष्ट्रियसभा सदस्यका लागि मतदान आगामी माघ ११ गते बिहान ९ बजेदेखि दिउँसो ३ बजेसम्म हुनेछ। यो निर्वाचनमार्फत राष्ट्रियसभामा फागुन २० गतेदेखि रिक्त हुन लागेको १८ सदस्य पदका लागि प्रतिनिधि चयन गरिनेछ।
निर्वाचन आयोगले राष्ट्रिय जनगणना २०७८ का आधारमा मतदाता सूची र मतभार यसअघि नै सार्वजनिक गरिसकेको छ। यस निर्वाचनमा प्रदेशसभा सदस्यहरू तथा स्थानीय तहका प्रमुख, उपप्रमुख, अध्यक्ष र उपाध्यक्ष मतदाता रहने व्यवस्था छ।
थप समाचारहरु
राष्ट्रियसभा निर्वाचनका लागि सात प्रदेशमा निर्वाचन अधिकृत नियुक्त
मतदाता नामावली सङ्कलन गर्न सरकारी निर्णयको प्रतीक्षामा निर्वाचन आयोग
राष्ट्रिय सभा निर्वाचन प्रयोजनका लागि प्रारम्भिक मतदाता नामावली प्रकाशन, २ हजार ४३ जना मतदाता
स्थानीय तह निर्वाचनः उम्मेदवारको नामावली आज प्रकाशन गरिने
प्रत्यक्षतर्फको निर्वाचन कार्यक्रम सार्वजनिक, कुन दिन के?
आज समानुपातिकतर्फका उम्मेदवारको बन्दसूची बुझाउने अन्तिम दिन
तपाईको प्रतिक्रिया दिनुहोस्