एकताका लागि प्रतिस्पर्धा स्वीकार्य, विभाजन होइन : कोइराला

काठमाडौं : नेपाली कांग्रेसका पूर्वमहामन्त्री डा. शशांक कोइरालाले पार्टीभित्र विचार र नेतृत्वका लागि प्रतिस्पर्धा भए पनि त्यसले संगठनलाई विभाजन गर्न नहुने बताएका छन्।

राष्ट्रिय भेलाको उद्घाटन सत्रमा बोल्दै कोइरालाले कांग्रेसलाई बलियो बनाउन अग्रजको अनुभव, युवाको ऊर्जा र कार्यकर्ताको सक्रियता आवश्यक रहेको बताए। उनले गुटगत दूरी घटाउँदै मेलमिलाप र सहकार्यको राजनीतिलाई प्राथमिकता दिनुपर्नेमा जोड दिए।

• 

• 

नेपालको राष्ट्रियतामाथि चुनौती बढिरहेको उल्लेख गर्दै उनले त्यसको सामना गर्न कांग्रेसभित्र बृहत्तर एकता आवश्यक रहेको धारणा राखे। कोइरालाले विचारमा बहस गरे पनि आपसी सम्बन्ध नबिगार्न र विगतका कमजोरीबाट सिक्दै पार्टी निर्माणमा केन्द्रित हुन आह्वान गरे।