दाक्सु मिडिया
काठमाडौं । लुम्बिनी प्रदेशकी सांसद विमला खत्री (वली)ले दिएको अभिव्यक्तिको नेकपा एमालेले खण्डन गरेको छ ।
एमाले लुम्बिनी प्रदेशसभाका मुख्य सचेतक भूमिश्वर ढकालले प्रदेशसभा सदस्य विमला वलीको आरोप झुटो रहेको बताएका हुन् ।
उनले आफू पार्टी अध्यक्ष केपी ओलीले विमला वलीलाई सोधेको स्पष्टीकरणको पत्र लिएर सांसद वलीलाई भेट्न गएको र वलीले मुख्यमन्त्रीसँग कुरा गर्छु भनेर चाहना राखेकाले मुख्यमन्त्री निवासमा ल्याएको दाबी गरे।
सांसद वलीले आफूलाई जबरजस्ती बुटवलस्थित मुख्यमन्त्री शंकर पोखरेलको निवासमा पुर्याएको दाबी गरेपछि प्रमुख सचेतक ढकालले उनको आरोपमा सत्यता नरहेको बताएका हुन् ।
‘उहाँले जे–जे आरोपहरु लगाउनुभएको छ, ती आरोप आधारहिन छन्,’ उनले भने, ‘यसबारे हामीले आजै ४ बजे पत्रकार सम्मेलन गरेर हाम्रा कुरा राख्छौँ।’
एमालेले ४ बजे संसदीय दलको कार्यालय बुटवलमा पत्रकार सम्मेलन गर्ने उनले जनाए।
सांसद वलीले आफूलाई ढकालसहितका नेताहरुले अपहरण गरेर मुख्यमन्त्री शंकर पोखरेलको निवासमा बन्धक बनाएको तर आफू शौचालयको चप्पल लगाएर भागेको बताएकी थिइन् ।
थप समाचारहरु
अपहरण गरेर मुख्यमन्त्री निवासमा बन्धक पारियो, भागेर आएः विमला वली
फेरी माओवादीमै फर्किइन् विमला ओली
लुम्बिनीका मुख्यमन्त्री कुलप्रसाद केसीले पाए विश्वासको मत
मुख्यमन्त्रीविरुद्ध अविश्वास प्रस्ताव पेस, सत्ता पक्ष अनुपस्थित
आरोप लगाएकी महिलालाई मैले टच समेत गरेको छैन : ऐन महर
अमिक शेरचनविरुद्ध लुम्बिनी प्रदेश सरकार अदालत जाने
तपाईको प्रतिक्रिया दिनुहोस्