महाकाली उर्लिएपछि झोलुङ्गे पुलमा क्षति, आवतजावत प्रभावित

काठमाडौँ : कञ्चनपुरमा महाकाली नदीमा आएको बाढीले दोधारा चाँदनी र भीमदत्त नगरपालिका जोड्ने झोलुङ्गे पुलमा ठूलो क्षति पुर्‍याएको छ। बाढीले पुलको पिलर बगाएपछि पुल बीचबाट भाँचिएको हो।

जिल्ला प्रहरीका अनुसार बुधबार बिहान करिब पौने ८ बजे बाढीले पुलको पिलर भत्काएको थियो। पिलरमा क्षति पुगेपछि दोधारातर्फको करिब ६ मिटर पुलको भाग माथि उठेको छ।

• 

पुलको अवस्था बिग्रिएपछि सर्वसाधारणलाई वारपार गर्न समस्या भएको छ। पुलमा थप क्षति हुन सक्ने भएकाले तत्काल आवतजावत प्रभावित भएको प्रहरीले जनाएको छ।