दाक्सु मिडिया
काठमाण्डौँ । नेपाली कम्युनिस्ट पार्टीका सहसंयोजक तथा पूर्वप्रधानमन्त्री माधवकुमार नेपालसहित जोडिएको पतञ्जलि भ्रष्टाचार प्रकरणको मुद्दाको पेसी तोकिएको छ ।
यो मुद्दाको सुनुवाइपछि विशेष अदालतका अध्यक्ष सुदर्शनदेव भट्ट र न्यायाधीश हेमन्त रावलको इजलासले गत बुधबार नेपालसहित माथिको अनुसन्धान फाइल झिकाउन आदेश दिएको थियो । यसअघिको आदेशअनुसार अख्तियारले फाइल नपठाएपछि विशेषले पुनः आदेश गर्यो ।
आज बुधबार फाइलहरू आएपछि उक्त मुद्दाको पेसी माघ १४ गतेलाई तोकिएको छ । उनले यसअघि अख्तियारले मुद्दा नचल्ने गरी फाइल तामेलीमा राख्ने निर्णय गरी पाइल पठाएको थियो यसैको सुनुवाइका लागि माघ १४ गतेलाई पेसी तोकिएको जानकारी दिए ।
गत जेठ २२ गते पतञ्जलि योगपीठ तथा आयुर्वेद कम्पनी नेपालको जग्गा हिनामिना प्रकरणमा अख्तियारले नेपालसहित ९३ जनालाई प्रतिवादी बनाउँदै गएको अख्तियारले मुद्दा दायर गरेको थियो । अख्तियारले नेपालसहितविरुद्ध १८ करोड ५८ लाख ५० हजार रुपैयाँ बिगो मागदाबी गरेको छ ।
नेपाल प्रधानमन्त्री हुँदा २०६६ फागुन ६ गतेको मन्त्रिपरिषद् बैठकबाट पतञ्जलिलाई हदबन्दीभन्दा धेरै जग्गा व्यक्तिलाई लाभ हुने गरी हस्तान्तरण ९कारोबार स्वीकृति०गरेको अख्तियारको दाबी छ ।
थप समाचारहरु
रवि र छविको मुद्दाको पेसी आज तोकियो
रवि र छविको मुद्दामा सुनुवाइका लागि पेसी तोकियो
रामबहादुर बम्जनको मुद्दामा आज तोकियो पेसी
रविविरुद्धको मुद्दाको सुनुवाइ स्थगित
ललिता निवास प्रकरणः नेपाल र भट्टराईविरुद्धको मुद्दामा सुनुवाइ हुँदै
प्रचण्डलाई पक्राउ गर्न माग गर्दै दायर रिटमा सुनुवाइका लागि पेसी तोकियो
तपाईको प्रतिक्रिया दिनुहोस्