आज काठमाडौंका यी स्थानमा दुईपटक लोडसेडिङ

काठमाडौं । भूमिगत विद्युत केबल बिछ्याउने कार्यका कारण काठमाडौंका केही क्षेत्रमा आज दुई पटक गरी दुई घण्टा विद्युत आपूर्ति बन्द हुने भएको छ।

नेपाल विद्युत प्राधिकरण दरबारमार्ग वितरण केन्द्रका अनुसार बिहान ८ बजेबाट १० बजेसम्म सुन्धारा, सिभिल मल, सेन्ट्रल जेल, चाइना टाउन हुँदै त्रिपुरेश्वर चोक र वरपरका क्षेत्रहरूमा विद्युत आपूर्ति रोकिनेछ।

• 

• 

त्यस्तै, दिउँसो १२ बजेबाट २ बजेसम्म पुष्पलाल पार्क, ढल्को, क्षेत्रपाटी, पकनाजोल, धोबिचौर, ठहिटी, ज्याठा लगायतका क्षेत्रमा विद्युत सेवा बन्द हुनेछ।

प्राधिकरणले कार्य निर्धारित समयभन्दा छिटो सम्पन्न भएमा सेवा पुनः सुचारु गरिने जानकारी दिएको छ।