काठमाण्डौँ । नेपाल समाजवादी पार्टी (नयाँ शक्ति) को महाधिवेशन आइतबारबाट सुरु भएको छ । काठमाडौंस्थित प्रज्ञा–प्रतिष्ठानमा सुरु भएको महाधिवेशन माघ आगामी २९ गतेसम्म चल्ने बताइएको छ ।
महाधिवेशनको उद्घाटन सत्र अहिले चलिरहेको छ । उद्घाटन सत्रमा सहभागी हुन नयाँ र वैकल्पिक पार्टीहरूलाई मात्रै निम्तो दिइएको छ ।
जनमत पार्टीका अध्यक्ष सीके राउत, नागरिक उन्मुक्ति पार्टीका संरक्षक रेशम चौधरी, राष्ट्रिय स्वतन्त्र पार्टी (रास्वपा) का कार्यबाहक सभापति डोल प्रसाद अर्याल, विवेकशील साझाकी नेतृ समीक्षा बाँस्कोटा लगायत पुगेका छन् ।
अन्य ठूला राजनीतिक दलका नेतृत्वलाई भने अधिवेशनमा निम्तो दिइएको छैन ।
महाअधिवेशनमा एक हजार पाँच सय प्रतिनिधिले भाग लिने बताइएको छ । साथै महाधिवेशनमार्फत ११ जना पदाधिकारीसहित ९९ सदस्यीय केन्द्रीय समिति चयन गरिनेछ ।
फेसबुकबाट तपाईको प्रतिक्रिया