काठमाडौं : प्रधानमन्त्री केपी शर्मा ओली नेतृत्वको सरकारले आज तीन वर्ष पूरा गरेको छ । गत २०७४ मंसिरमा सम्पन्न प्रतिनिधिसभा निर्वाचनपछि सोही वर्षको फागुन ३ गते ओलीको नेतृत्वमा सरकार गठन भएको थियो ।
आज बिहान साढे १० बजे सिंहदरबारस्थित आफ्नो कार्यलयमा पत्रकार सम्मेलन गरेर प्रधानमन्त्री ओलीले बितेका तीन वर्षमा सरकारले प्राप्त गरेका उपलब्धिबारे जानकारी दिने जनाइएको छ ।
पत्रकार सम्मेलनअघि १० बजे प्रधानमन्त्री ओलीले २०७२ बैशाख १२ गतेको भूकम्पले क्षति गरेको सिंहदरबारको उदघाटन गर्ने कार्यक्रम छ । सिहदरबारलाई रेट्रोफिट गरी पुरानै अवस्थामा फर्काइएको छ ।
भूकम्पले क्षति गर्नुअघि प्रधानमन्त्री कार्यालय सोही भवनमा रहेको थियो । भूकम्पले क्षति गरेपछि प्रधानमन्त्री कार्यालय सिंहदरबार परिसरभित्रैको अन्य भवनमा सरेको थियो । आज उद्घाटनपछि प्रधानमन्त्री कार्यालय पुरानै स्थान सिंहदरबारबाट सञ्चालनमा आउनेछ ।
फेसबुकबाट तपाईको प्रतिक्रिया