काठमाण्डौं : जनता समाजवादी पार्टी (जसपा) नेपालका केन्द्रीय सदस्य डा. शिवजी यादव नेकपा ओली समूहमा प्रवेश गरेका छन् । तत्कालिन फोरम नेपालका सचेतक समेत रहेका नेता यादव मंगलवारराति ओली समूहमा प्रवेश गरेका हुन् ।
महोतरीनिवासी नेता यादवलाई ओली समूहका अध्यक्ष तथा प्रधानमन्त्री केपी ओलीले खादा लगाएर पार्टीमा स्वागत गरे । पार्टी प्रवेश कार्यक्रममा पार्टीका नेता ईश्वर पोखरेल, महेश बस्नेत, धनुषाका युवा नेता शम्भु साह, किरण कार्कीलगायतको उपस्थिति थियो ।
नेता यादवको प्रवेशले जसपालाई झट्का लाग्ने संकेत दिएको छ । अहिले प्रतिनिधि सभा विघटनबारे जसपामा मतैक्याता छैन । कम्युनिष्ट धारका नेताहरु संसद विघटन संविधानविपरित हो भन्दै पुनस्र्थापनाको पक्षमा छन् भने प्रजातान्त्रिक धारका नेताहरु मौन सथर्मनमा छन् ।
पार्टीले एकीकृत धारणा तय गर्न नसक्दा संसद विघटनविरुद्ध जसपाले गरेको विरोध प्रदर्शन पनि त्यत्ति उत्साहजनक हुन सकेको छैन ।
फेसबुकबाट तपाईको प्रतिक्रिया