दाक्सु मिडिया
२०८३ आश्विन ११
नवलपरासी । कालीगण्डकीमा आएको बाढीले पुलको पहुँचमार्ग बगाएपछि नवलपुरबाट पोखरा जाने छोटो सडकमार्ग अवरुद्ध भएको छ।
नवलपुरतर्फको पहुँचमार्ग कटानमा परेपछि बौदीकाली–२ डेढगाउँ र तनहुँको घिरिङबीचको सडक सम्पर्क टुटेको हो। पुलको पहुँचमार्गसँगै नजिकको भागमा समेत कटान भएपछि सवारीसाधन र पैदलयात्रुको आवागमन रोकिएको प्रहरीले जनाएको छ।
यो सडकबाट नवलपुर, तनहुँ, स्याङ्जा, पाल्पालगायतका क्षेत्रमा दैनिक आवतजावत हुने गरेको थियो। बाटो बन्द भएपछि स्थानीयको नियमित यात्रा प्रभावित भएको छ।
तपाईको प्रतिक्रिया दिनुहोस्