बाढीपछिको पुनर्निर्माणमा जर्मनीसँग सहयोग मागे परराष्ट्रमन्त्री खनालले

काठमाडौं । परराष्ट्रमन्त्री शिशिर खनालले बाढी प्रभावित क्षेत्रको पुनःस्थापना, पुनर्वास र पुनर्निर्माणका लागि जर्मनीसँग सहयोग मागेका छन्।

न्युयोर्कमा जर्मनीकी आर्थिक सहयोग तथा विकासमन्त्री रिम अलाबाली राडोभानसँग भएको भेटमा खनालले विपद् पूर्वतयारी, जलवायु उत्थानशीलता र क्षमता अभिवृद्धिमा थप लगानी आवश्यक रहेको बताए।

• 

जर्मन मन्त्री राडोभानले नेपाललाई वित्तीय तथा मानवीय सहयोग उपलब्ध गराउन जर्मनी प्रतिबद्ध रहेको बताइन्। भेटमा नेपाल–जर्मनी द्विपक्षीय सहकार्य थप सुदृढ बनाउने विषयमा पनि छलफल भएको जनाइएको छ।