रसुवा विपद्पछि सरकारको कामबारे नेकपाले छलफल गर्ने

काठमाडौं । नेपाली कम्युनिस्ट पार्टी (नेकपा) ले रसुवामा बाढीपहिरोपछि सरकारबाट भइरहेका राहत, उद्धार र पुनर्स्थापनाका कामबारे समीक्षा गर्ने भएको छ।

यसका लागि पार्टीको केन्द्रीय संयोजन समितिको बैठक आज दिउँसो १ बजे पेरिसडाँडास्थित केन्द्रीय कार्यालयमा बस्दैछ। बैठकमा विपद्पछि पार्टीले निर्वाह गरेको भूमिका तथा आगामी कदमबारे पनि छलफल हुने प्रवक्ता प्रकाश ज्वालाले बताएका छन्।

• 

बैठकबाट सरकारलाई राहत तथा पुनर्स्थापनासम्बन्धी सुझावसमेत दिइनेछ। साथै पछिल्लो राष्ट्रिय राजनीतिक अवस्था र पार्टीका आन्तरिक संगठनात्मक विषयमा पनि छलफल हुने जनाइएको छ।