एमालेका युवाहरूले नेतृत्व परिवर्तनको माग राख्दै दिए नेतालाई फूल

काठमाडौं । नेकपा एमालेका युवाहरूले नेतृत्व परिवर्तनको माग राखेका छन् ।

शुक्रबार पार्टी केन्द्रीय कार्यालय च्यासलमा सचिवालय बैठकका लागि पुगेका नेताहरूलाई युवा कार्यकर्ताहरूले फूल दिएर शुभकामना दिए ।

उनीहरूले नेतृत्व परिवर्तन हुनुपर्ने भन्दै नेताहरूलाई फूल दिएका हुन् ।

• 

• 

• 

यसअघि संसदीय दलको नेतामा रामबहादुर थापा बादललाई चयन गरेपछि पार्टीका युवाहरूले निरन्तर विरोध गरिरहेका छन् ।

उनीहरूले संसदीय दलको नेतामा सुहाङ नेम्वाङलाई चयन नगरेको भन्दै सोही दिन विरोध प्रदर्शन गरेका थिए ।

हिजो पनि पार्टी केन्द्रीय कार्यालयमा प्लेकार्डसहित प्रदर्शन, मौनधारण लगायतका कार्यक्रम गरिएको थियो ।

आज भने फूल दिएर नेताहरूलाई नेतृत्व परिवर्तनको रुपमा शुभकामना दिएका हुन् ।