ढोरपाटनमा हिमपात, जनजीवन कष्टकर

बागलुङ — ढोरपाटन उपत्यकासहित आसपासका उच्च पहाडी क्षेत्रमा अचानक परेको भारी हिमपातले जनजीवन प्रभावित बनेको छ।

शुक्रबारदेखि निरन्तर हिउँ परेपछि ढोरपाटन उपत्यका सेताम्य बनेको छ। स्थानीयका अनुसार अत्यधिक चिसो बढ्दा हिँडडुल गर्न र पशुचौपायाको हेरचाह गर्न समेत समस्या भइरहेको छ।

• 

चैत महिनामा आलु रोप्ने मुख्य समय भए पनि हिमपातका कारण किसानको काम रोकिएको छ। स्थानीयहरूले सामान्य वर्षा अपेक्षा गरे पनि असामयिक हिमपातले दैनिक जीवन झनै कठिन बनाएको बताएका छन्।