रामेछाप दुर्घटनाका घाइतेलाई गृहमन्त्री अर्यालले भेटे

काठमाडौँ । गृहमन्त्री ओमप्रकाश अर्यालले रामेछापमा सोमवार भएको सवारी दुर्घटनाका घाइतेलाई भेटेर उनीहरूको स्वास्थ्य अवस्थाबारे जानकारी लिएका छन् ।

गृहमन्त्री अर्यालसहितको टोलीले छाउनीस्थित सैनिक अस्पताल पुगेर उपचाररत घाइतेसँग संवाद गरी अवस्थाबारे जानकारी लिएका हुन्।

फागुन १८ गते रामेछाप नगरपालिका–२ स्थित सिरुबारीमा भएको सवारी दुर्घटना हुँदा दुई जनाको मृत्यु भएको थियो भने ७ जना घाइते भएका थिए ।

घाइतेहरूको उद्धार गरी अहिले छाउनिस्थित सैनिक अस्पतालमा उपचार भइरहेको छ । निर्वाचन प्रयोजनका लागि मतदान केन्द्रमा खटिएका कर्मचारी र सुरक्षार्की सवार सवारीसाधन दुर्घटनामा परेको हो ।

सो अवसरमा गृहमन्त्री अर्यालले घाइतेहरुको शिघ्र स्वास्थ्यलाभको कामना गर्दै उपचारमा सरकारले कुनै कमि आउन नदिने बताए ।

थप समाचारहरु

रामेछाप दुर्घटनाका स्थानीय प्रशासन र पीडितहरूको बिचमा ८ बुँदे सहमति, मृतकका आफन्त शव बुझ्न तयार गृहमन्त्री अर्यालद्वारा बौद्ध र साँखु प्रहरी कार्यालयको स्थलगत अनुगमन आफूले दल नखोल्ने र चुनाव पनि नलड्ने गृहमन्त्री अर्यालको भनाई गृहमन्त्री अर्यालको दाबी : तोकिएको समयमा हुने निर्वाचन संसद् भवन निर्माण स्थलमा गृहमन्त्री अर्यालको स्थलगत अनुगमन प्रचण्ड-नेपालले खनालपत्नी चित्रकारलाई भेटे