दुर्गा प्रसाईंलाई चार दिन हिरासतमा राख्न प्रशासनको अनुमति

काठमाण्डौँ । मेडिकल व्यवसायी दुर्गा प्रसाईंलाई ४ दिन हिरासतमा राख्न प्रहरीले अनुमति पाएको छ । काठमाडौँका प्रमुख जिल्ला अधिकारी ईश्वर राज पौडेलले उनलाई ४ दिन हिरासतमा राखेर अनुसन्धान गर्न प्रहरीलाई अनुमति दिएका हुन् ।

जिल्ला प्रहरी परिसर काठमाडौँले उनीविरुद्ध सार्वजनिक शान्ति विरुद्धको कसुरमा अनुसन्धान गरिरहेको छ । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईं सोमबार साँझ भक्तपुरबाट पक्राउ परेका थिए ।

प्रसाईंलाई सार्वजनिक शान्ति विरुद्धको कसुर र अफवाह फैलाउन नपाउने कसुरमा पनि अनुसन्धान गर्न जिल्ला प्रशासन कार्यालयबाट म्याद लिइएको जिल्ला प्रहरी परिसर काठमाडौँका एसपी पवन भट्टराईले बताएका छन् ।

प्रसाईंले सरकारसँगको सम्झौता पुरा नभए अनिश्चित कालीन बन्द गराउने र चुनाव हुन नदिने अभिव्यक्ति दिँदै आएका छन् ।

थप समाचारहरु

अदालतले दुर्गा प्रसाईंलाई ४ दिन म्याद थप सार्वजनिक शान्तिविरुद्धको कसुरमा दुर्गा प्रसाईंलाई ४ दिन म्याद थप दुर्गा प्रसाईंलाई म्याद थप्न अदालत लगियो दुर्गा प्रसाईंलाई तत्काल रिहा गर्न केपी ओलीको माग सार्वजनिक शान्तिविरुद्धको कसुरमा दुर्गा प्रसाईँमाथि अनुसन्धान अघि बढाइने दुर्गा प्रसाईंलाई ‘जनतामा गएर आफ्नो मुद्दा अनुमोदन गराउन प्रधानमन्त्री कार्कीको सुझाव