दाक्सु मिडिया
इलाम — संघीय प्रतिनिधिसभा निर्वाचनको सरगर्मी बढ्दै जाँदा नेकपा (एमाले) ले इलामका दुवै निर्वाचन क्षेत्रमा आफ्ना उम्मेदवारको टुंगो लगाएको छ। पार्टीले क्षेत्र नम्बर १ बाट काजीमान कागते र क्षेत्र नम्बर २ बाट सुहाङ नेम्वाङलाई चुनावी मैदानमा उतार्ने निर्णय गरेको हो।
शनिबार सम्पन्न एमाले सचिवालय बैठकले देशभरका १६५ निर्वाचन क्षेत्रमध्ये १४१ क्षेत्रमा उम्मेदवार छनोट गरेको छ। सोही निर्णयअनुसार इलामका दुवै क्षेत्रका उम्मेदवार सार्वजनिक भएका हुन्।
सुहाङ नेम्वाङ हालैको उपनिर्वाचनमार्फत प्रतिनिधिसभामा निर्वाचित सांसद हुन्। उनले इलाम क्षेत्र नम्बर २ बाट २७ हजार ७७२ मत प्राप्त गर्दै जित हात पारेका थिए। यता, काजीमान कागते कोशी प्रदेशसभाका पूर्वसदस्य हुन् र उनी क्षेत्र नम्बर १ बाट प्रतिस्पर्धामा उत्रँदै छन्।
निर्वाचन हुन अब करिब डेढ महिना मात्र बाँकी रहँदा राजनीतिक दलहरूले उम्मेदवारी प्रक्रिया तीव्र पारेका छन्। निर्वाचन कार्यतालिका अनुसार प्रत्यक्षतर्फको मनोनयन दर्ता यही माघ ६ गते हुने जनाइएको छ।
थप समाचारहरु
एमालेले अधिकांश क्षेत्रमा उम्मेदवार टुंग्यायो, केही क्षेत्रमा अझै निर्णय बाँकी
राप्रपाले इलाम–१ मा प्रत्यक्षतर्फ ज्वाला नेपाललाई बनायो उम्मेदवार
आजदेखि सबै १६५ निर्वाचन क्षेत्रमा निर्वाचन अधिकृतको कार्यालय सञ्चालनमा
प्रतिनिधिसभा निर्वाचनका उम्मेदवार तय गर्न एमाले सचिवालय बैठक आज
कुन निर्वाचन क्षेत्रमा सत्ता गठबन्धनको उम्मेदवार को (सूचीसहित)
इलाम उपनिर्वाचन अपडेट : कांग्रेसको झिनो अग्रता, मतान्तर घटाउँदै एमालेका सुहाङ
तपाईको प्रतिक्रिया दिनुहोस्