२३४ रूग्ण ठेक्का तोडिँदै, कर्मचारी छानबिनमा

सरकारले वर्षौंदेखि काम नगरेका २३४ वटा सडक र पुल निर्माणसम्बन्धी ठेक्का तोड्ने भएको छ। संघीय सडक सुपरीवेक्षण तथा अनुगमन कार्यालयअन्तर्गत दमक, काठमाडौं, पोखरा, सुर्खेत, हुलाकी राजमार्ग र मध्यपहाडी लोकमार्गमा रहेका रूग्ण ठेक्काहरू तोडिनेछन्।

कम रकम कबोल गरी पेश्की लिने तर काम नगर्ने प्रवृत्तिको अन्त्य गर्न भौतिक पूर्वाधारमन्त्री कुलमान घिसिङले ठेक्का तोड्न स्पष्ट निर्देशन दिएका छन्।

• 

• 

• 

रूग्ण ठेक्कामा संलग्न निर्माण व्यवसायी मात्र होइन, निर्णयमा ढिलाइ गर्ने तत्कालीन तथा हालका कर्मचारीमाथि पनि छानबिन गरिनेछ।

मन्त्री घिसिङले अनियमितता, ढिलासुस्ती र घूसप्रथामाथि कडाभन्दा कडा कारबाही गर्ने चेतावनी दिएका छन्।