मोरङ : मोरङमा ससुराको हत्या गरेको आरोपमा ज्वाइँ पक्राउ परेका छन् ।
पथरी शनिश्चरे नगरपालिका- ७ मायालु चोक बस्ने चन्द्रबहादुर तामाङको हत्यामा संलग्न रहेको आरोपमा प्रहरीले उनकै ज्वाइँ रवीन्द्र राईलाई नियन्त्रणमा लिएको हो ।रवीन्द्र चन्द्रबहादुरका आफ्नै ज्वाइँ हुन् ।
धनकुटाको मूलघाटबाट राईलाई पक्राउ गरिएको इलाका प्रहरी कार्यालय पथरीले जनाएको छ । ज्वाइँ-ससुरा एकै घरमा बस्ने गरेका थिए । चन्द्रबहादुरको हत्या भएपछि ज्वाइँ रवीन्द्र फरार थिए । घरेलु हतियारले घाँटी रेटिएको अवस्थामा शव भेटिएको थियो । घरको प्यासेजमा लडेको अवस्थामा शव देखेपछि स्थानीयले प्रहरीलाई खबर गरेका थिए ।
ज्वाइँ रवीन्द्र सुत्ने गरेको कोठाबाट प्रहरीले रगत लतपतिएका कपडाहरू बरामद गरेको थियो । प्रहरीका अनुसार चन्द्रबहादुरकी श्रीमती वैदेशिक रोजगारीका लागि देश बाहिर छिन् । अहिले चन्द्रबहादुरको शव बीपी कोइराला स्वास्थ्य विज्ञान प्रतिष्ठान धरानमा राखिएको छ ।
फेसबुकबाट तपाईको प्रतिक्रिया