कोलकाताबाट उडेको केही मिनेटमै इन्डिगो विमानको बायाँ इन्जिन फेल

काठमाडौँ : शुक्रबार राति भारतको कोलकाता विमानस्थलबाट बैंगलोरका लागि उडेको इन्डिगोको विमान ठूलो दुर्घटनाबाट बचेको छ।

भारतीय सञ्चारमाध्यमका अनुसार इन्डिगोको फ्लाइट ६ई०५७३ विमान उडेको केही मिनेटमै बायाँ इन्जिन फेल भएको हो। तर त्यसलाई सुरक्षित रूपमा आपत्‌कालीन अवतरण गराइयो।

अधिकारीहरूका अनुसार कोलकातास्थित नेताजी सुभाष चन्द्र बोस अन्तर्राष्ट्रिय विमानस्थल (एनएससीबीआई) बाट उक्त विमान शुक्रबार राति १०:३६ मा उडेको थियो। तर आपत्‌कालीन अवस्थाका कारण राति १०:५३ बजे फेरि कोलकाता नै फर्काउनपर्‍यो।

भारतीय एयरपोर्ट्स अथोरिटी (एएआई) का प्रवक्ताका अनुसार घटनाका बेला कुनै आगो वा स्पार्क देखिएन, जसले गर्दा ठूलो दुर्घटना हुनबाट जोगियो।विमानलाई सुरक्षित रूपमा अवतरण गराइयो र सबै यात्रुलाई सकुशल बाहिर निकालियो।

यस विषयमा गहिरो अनुसन्धान भइरहेको र इन्जिन बिग्रनुको कारण पत्ता लगाउने काम भइरहेको अधिकारीहरूले बताएका छन्।

थप समाचारहरु

भारतमा बिरामी बोकेर उडेको हवाईजहाजको खस्यो पांग्रा, सकुशल अवतरण दुर्घटनाबाट जोगियो समिट एयरको जहाज, काठमाडौंमा सुरक्षित अवतरण उडेको ६ मिनेटमै श्री एयरलाइन्सको विमानमा समस्या देखिएको थियो सुर्खेत उडेको बुद्ध एयरको जहाज नेपालगञ्ज डाइभर्ट भद्रपुर उडेको बुद्ध एयरको जहाजमा प्राविधिक समस्या, काठमाडौँतर्फ डाईभर्ट भारी वर्षाले विराटनगर एयरपोर्टमाथि श्री एयरको जहाज आधा घण्टा होल्ड