दाक्सु मिडिया
सोलुखुम्बु । माप्य दुधकोशी गाउँपालिकामा सञ्चालित निःशुल्क दन्त शिविर सम्पन्न भएको छ । माप्य दुधकोशी गाउँपालिका र सोलुखुम्बु डेन्टल क्लिनिकको संयुत आयोजनामा सञ्चालित दुई दिने निःशुल्क दन्त शिविर आज सम्पन्न भएको हो ।
माप्य दुधकोशी गाउँपालिकाको प्राथमिक अस्पताल खास्तापमा वैशाख ६ र ७ गते दुई दिन सञ्चालन गरिएको दन्त शिविरमा ३४१ जनाले दाँत समस्या सम्बन्धी विभिन्न सेवा लिएको माप्य दुधकोशी गाउँपालिकाले जनाएको छ । जसमा १०५ जनाले दाँत निकाल्ने, ११३ जनाले दाँत भर्ने, १०९ जनाले दाँत सफा गर्ने, १४ जनाले मेडिकेसन सम्बन्धी सेवा लिएको सोलुखुम्बु डेन्टल क्लिनिकका सिडिएफ के बि घिमिरेले जानकारी दिनुभयो ।
डाक्टर अमन जैसवाल सहितको दक्ष अनुभवी तथा विशेषज्ञ दन्त चिकित्सक तथा दन्त स्वास्थ्यकर्मीको टोलीले दाँत सम्बन्धी सेवा प्रदान गरेको माप्य दुधकोशी गाउँपालिका अध्यक्ष बुद्धि किरण राईले जानकारी दिनुभयो ।
स्थानीय स्तरमै दक्ष दन्त चिकित्सकको टोलीद्वारा नागरिकलाई सहज सुविधा प्रदान गर्ने उद्देश्यले सोलुखुम्बु डेन्टल क्लिनिकसँगको सहकार्यमा निःशुल्क दन्त शिविरको आयोजना गरी दाँत सम्बन्धी समस्या भएकाहरूलाई सेवा प्रदान गर्न पाउँदा खुसी लागेको गाउँपालिका उपाध्यक्ष गौरव राई बताउनुहुन्छ ।
गाउँपालिकाका नागरिकको सहज स्वास्थ्य सेवाका लागि आगामी दिनमा पनि विभिन्न सरोकारवाला संस्थाहरू सँगको सहकार्य तथा समन्वयमा अन्य विभिन्न कार्यक्रमहरू गरिने गाउँपालिका अध्यक्ष राईको भनाइ छ ।
गाउँपालिकाले गाउँमै सहज किसिमले सेवा प्रदान गरेको भन्दै सेवाग्राहीहरूले खुसी भएको प्रतिक्रिया दिएका छन् ।
थप समाचारहरु
सेनाद्वारा निःशुल्क स्वास्थ्य शिविर सञ्चालन
सोलुखुम्बुको दुधकोशी सामुदायिक अस्पतालद्वारा दन्त तथा एक्सरे सेवा बिस्तार
महाकुलुङ गाउँपालिकामा एक दिने मोतिविन्दु छनौट शिविर सम्पन्न
माप्यदुधकोशी र सोलुदुधकुण्डमा निशुल्क स्वास्थ्य शिविर हुने
नेचासल्यानमा १ सय बढीले लिए निः शुल्क आँखा शिविर
खुम्बुपासाङल्हमुको खुन्दे अस्पतालमा निशुल्क मोतिविन्दु शल्यक्रिया शिविर हुने
तपाईको प्रतिक्रिया दिनुहोस्