इरान–अमेरिका तनाव चर्किँदै, कुवेत र बहराइनस्थित आधारमा मिसाइल प्रहारको दाबी

काठमाडौं, जेठ २० — अमेरिका र इरानबीच जारी युद्धविराम वार्ताकै बीच पुनः सैन्य तनाव बढेको खबर सार्वजनिक भएको छ। दुवै पक्षले एक–अर्कामाथि आक्रमण गरेको दाबी गर्दै स्थिति थप जटिल बनेको बताइएको छ।

अन्तर्राष्ट्रिय सञ्चारमाध्यमका अनुसार अमेरिकी सेनाले होर्मुज नजिकै केशम टापुस्थित इरानी संरचनामा आक्रमण गरेपछि इरानले कुवेत र बहराइनमा रहेका अमेरिकी सैन्य अड्डालाई लक्षित गर्दै मिसाइल प्रहार गरेको दाबी गरिएको छ।

• 

• 

• 

यसैबीच, अमेरिकी सेनाले आत्मरक्षाका लागि गरिएको कारबाही भएको बताउँदै इरानी सैन्य संरचना र सञ्चार केन्द्रलाई निशाना बनाएको जनाएको छ। त्यसको प्रतिक्रियामा इरानले पनि मिसाइल र ड्रोनमार्फत अमेरिकी तथा इजरायली लक्ष्यहरूमा आक्रमण गरेको दाबी गरिएको छ।

तनावपूर्ण परिस्थितिका कारण मध्यपूर्वमा सुरक्षा अवस्था थप संवेदनशील बनेको अन्तर्राष्ट्रिय सञ्चारमाध्यमहरूले जनाएका छन्।