नेयमारले प्रशिक्षणका क्रममा भएको विवादबारे मागे माफी , विश्वकप पुनरागमनमाथि प्रश्न उठ्यो

काठमाडौँ । नेयमारले आफ्नो क्लब सान्तोसका साथी रोबिन्हो जुनियरसँग प्रशिक्षणका क्रममा भएको विवादप्रति माफी मागेका छन् ।

यो घटनाले उनको ब्राजिल टोलीमा पुनरागमन तथा विश्वकप खेल्ने सम्भावनामाथि थप असर पार्न सक्ने अनुमान गरिएको छ।

• 

१८ वर्षीय रोबिन्होले यस हप्ता प्रशिक्षणका क्रममा ३४ वर्षीय नेयमारले आफूलाई थप्पड हानेको आरोप लगाएका थिए । मंगलबार राति नेयमारले कोपा सुदामेरिकाना अन्तर्गत पाराग्वेको डेपोर्टिभो रेकोलेटाविरुद्ध १–१ को बराबरीमा गोल गरे।

तर, खेलभन्दा बढी चर्चा प्रशिक्षण मैदानमा भएको झगडाबारे उनको प्रतिक्रियालाई लिएर भयो । नेयमार ब्राजिलका सर्वाधिक गोलकर्ता हुन् । उनले राष्ट्रिय टोलीबाट ७९ गोल गरेका छन् । उनले अक्टोबर २०२३ मा एसीएल चोट बोकेपछि ब्राजिलबाट कुनै खेल खेलेका छैनन् ।

ब्राजिलका प्रशिक्षक कार्लो एन्सेलोटीले १८ मेमा विश्वकप टोली घोषणा गर्ने अपेक्षा गरिएको छ ।