दाक्सु मिडिया
हेरात, अफगानिस्तान — पश्चिमी अफगानिस्तानको हेरात प्रान्तमा पिकनिक मनाइरहेका सर्वसाधारणमाथि भएको गोलीकाण्डमा कम्तीमा ११ जनाको मृत्यु भएको छ।
स्थानीय अधिकारीहरूका अनुसार मोटरसाइकलमा आएका अज्ञात बन्दुकधारीहरूले भीडभाड भएको मनोरञ्जन क्षेत्रमा अन्धाधुन्ध गोली प्रहार गरेका थिए। आक्रमणमा प्रारम्भमा चार जनाको घटनास्थलमै मृत्यु भएको थियो भने गम्भीर घाइते भएका थप सात जनाको उपचारका क्रममा ज्यान गएको हो।
आक्रमणमा अधिकांश सिया मुस्लिम समुदायका व्यक्तिहरू परेका बताइएको छ, जो नजिकैको धार्मिक स्थलमा पिकनिकका लागि गएका थिए। घाइतेमध्ये दुई महिला सहित करिब १५ जनालाई अस्पताल भर्ना गरिएको छ।
सुरक्षा निकायले घटनामा संलग्न एक जनालाई पक्राउ गरेको जनाएको छ भने आक्रमणकारीहरू फरार छन्। हालसम्म कुनै पनि समूहले घटनाको जिम्मेवारी लिएको छैन।
अधिकारीहरूले यस घटनालाई आतंकवादी आक्रमणको रूपमा अनुसन्धान गरिरहेको बताएका छन्।
तपाईको प्रतिक्रिया दिनुहोस्