ओलीलाई थुनाबाहिर राखेर अनुसन्धान गर्न माग

काठमाडौँ । पूर्वप्रधानमन्त्री तथा नेकपा एमाले अध्यक्ष केपी शर्मा ओलीसँग सम्बन्धित ‘थुना म्याद थप’ प्रकरणमा बहस गर्दै पूर्वमहान्यायाधिवक्ता रमेश बडालले उनलाई थुनाबाहिरै राखेर अनुसन्धान अघि बढाउनुपर्ने माग गरेका छन् ।

जिल्ला न्यायाधीश आनन्द श्रेष्ठको इजलासमा बहसका क्रममा बडालले प्रतिवेदनमा मनसायपूर्वक हत्या गर्न खोजेको वा नगरेको भन्ने स्पष्टता नरहेको उल्लेख गरे । उनले ओली भाग्ने वा प्रमाण नष्ट गर्ने सम्भावना नभएको दाबी गर्दै म्याद थप आवश्यक नभएको तर्क प्रस्तुत गरे।

• 

• 

• 

यसैगरी, उनले जेनजी आन्दोलनका क्रममा भदौ २३ गते भएको घटनामा ओलीले गोली चलाउन आदेश नदिएको जिकिर गरे । आयोगको प्रतिवेदनकै आधारमा मात्रै मुद्दा चलाउन नमिल्ने भन्दै उनले थप अनुसन्धान आवश्यक रहेको बताए ।