दाक्सु मिडिया
काठमाण्डौँ । सुदूरपश्चिममा चुनावमा उठेका २०६ जना मध्ये १ सय ४४ जनाको जमानत जफत भएको छ । प्रदेशका नौ वटै जिल्लाका १६ प्रतिनिधि सभा निर्वाचन क्षेत्रमा चुनावमा उठेका २०६ जनाले २ हजार मत कटाउन नसक्दा उनीहरुको जमानत जफत भएको हो ।
सुदूरपश्चिम प्रदेश निर्वाचन कार्यालयका अनुसार कैलालीका पाँच वटा निर्वाचन क्षेत्रमा ७५ जनाको उम्मेदवारी रहेकोमा ५८ जनाको जमानत जफत भएको छ । यस्तै कञ्चनपुरका तीन वटा निर्वाचन क्षेत्रमा ५५ जना चुनावी मैदानमा रहेका थिए। जस मध्ये ४२ जनाको जमानत जफत भएको छ । डडेल्धुरामा १३ जना चुनावमा उठेकोमा ९ जनाको जमानत जफत भएको छ । बैतडीमा ११ जनामा चुनाव उठेका मध्ये ६ जनाको जमानत जफत भएको छ ।
दार्चुलामा ११ जना उम्मेदवार रहेकोमा ७ जनाको जमानत जफत भएको छ । यस्तै, डोटीमा ९ जना उम्मेदवार रहेकोमा ५ जनाको जमानत जफत भएको छ । बझाङमा ७ जना चुनावमा उठेकोमा ३ जनाको जमानत जफत भएको छ । अछाम–१ मा ८ जना चुनावमा उठेका मध्ये ५ जनाको जमानत जफत भएको छ । यस्तै बाजुरमा ८ जना उम्मेदवार मध्ये ४ जनाको जमानत जफत भएको हो ।
थप समाचारहरु
सर्लाहीमा १२४ उम्मेदवारको जमानत जफत
काठमाडौँ–१ मा २६ उम्मेदवारको जमानत जफत
सर्लाहीमा पूर्वमन्त्रीसहित १२४ उम्मेदवारको जमानत जफत
चितवनका तीन क्षेत्रका ५७ उम्मेदवारको जमानत जफत
धनुषा–३ बाट उम्मेदवारी दिएका पत्रकार दिवाकर साहको जमानत जफत, पुनः पत्रकारितामा फर्किए
काठमाडौं उपत्यकाका १५ मध्ये १४ क्षेत्रमा रास्वपा अगाडि
तपाईको प्रतिक्रिया दिनुहोस्