दाक्सु मिडिया
भारतको पश्चिम बङ्गालमा बुधबार निपाह भाइरसका दुई सङ्क्रमित भेटिएका छन्। स्वास्थ्य मन्त्रालयले तत्काल निगरानी र परीक्षणमार्फत यी सङ्क्रमण फैलिन नदिएको जनाएको छ।
विश्व स्वास्थ्य सङ्गठनका अनुसार निपाह भाइरसको खोप हाल उपलब्ध छैन र मृत्युदर ४०–७५ प्रतिशतसम्म हुन सक्छ। तर स्वास्थ्य अधिकारीहरूले भने यी दुई सङ्क्रमण समयमै नियन्त्रणमा आएको पुष्टि गरेका छन्।
मन्त्रालयले सङ्क्रमित व्यक्तिसँग सम्पर्कमा आएका १९६ जनाको परीक्षण गरेको र सबै नतिजा नकारात्मक आएको जनाएको छ। आवश्यक जनस्वास्थ्य उपायहरू कार्यान्वयनमा छन्।
निपाह भाइरस पहिलो पटक सन् १९९८ मा मलेसियामा पहिचान गरिएको थियो। भारतमा पहिलो प्रकोप सन् २००१ मा पश्चिम बङ्गालमा देखिएको थियो। यस भाइरसका प्रारम्भिक लक्षणमा उच्च ज्वरो, बान्ता र सास फेर्न गाह्रो हुने समस्या देखिन्छ। स्वास्थ्य विज्ञहरूले चमेरा फल खाने जनावरलाई प्राकृतिक वाहकको रूपमा चिनाएका छन्।
तपाईको प्रतिक्रिया दिनुहोस्