माओवादी केन्द्र र एकीकृत समाजवादीसहित ८ दलबीच १८ बुँदे एकता सहमति

काठमाडौं – नेकपा माओवादी केन्द्र र नेकपा एकीकृत समाजवादीसहित ८ दलबीच १८ बुँदे सहमति पत्रमा हस्ताक्षर भएको छ।

माओवादी केन्द्रको तर्फबाट संयोजक पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधवकुमार नेपालले यस सहमति पत्रमा हस्ताक्षर गरेका हुन्। उनीहरूले चुनाव चिन्हका लागि पाँच कुने तारा तोकेका छन्। तर एकता पछि दलको नाम भने अहिलेसम्म निर्णय भइसकेको छैन।

• 

• 

• 

सहमति पत्रमा नेकपाका महासचिव चिरन पुन, नेकपा साजवादीका अध्यक्ष राजु कार्की, जनसमाजवादी पार्टी नेपालका अध्यक्ष सुवासराज काफ्ले, नेपाल समाजवादी पार्टीका अध्यक्ष महेन्द्रराय यादव, नेकपा माओवादी समाजवादीका अध्यक्ष कर्णजित बुढाथोकी र नेकपा साम्यवादीका अध्यक्ष प्रेमबहादुर सिंहले पनि हस्ताक्षर गरेका छन्।

सहमति पत्रअनुसार नयाँ पार्टीको सिद्धान्त मार्क्सवाद–लेनिनवाद हुनेछ। साथै, आगामी ६ महिनाभित्र एकता राष्ट्रिय महाधिवेशनको आयोजना गरिने निर्णय समेत भएको छ।