दाक्सु मिडिया
काठमाडौँ : नेकपा (एमाले) ले प्रधानमन्त्री पुष्पकमल दाहाललाई तत्काल राजीनामा दिन दबाब दिएको छ। आईतवार संघीय संसद भवनमा बसेको पार्टी संसदीय दलको बैठकले स्पष्ट रुपमा अल्पमतमा परेकाले आजै अविलम्व राजीनामा दिएर नयाँ सरकार गठनका लागि मार्ग प्रशस्त गर्न प्रधानमन्त्री दाहाललाई दबाब दिएको हो।
प्रधानमन्त्रीले राजीनामा नदिई विश्वासको मत लिए एमालेले त्यसको विपक्षमा मतदान गर्ने निर्णय पनि गरेको पार्टी संसदीय दलका प्रमुख सचेतक महेश बर्तौलाले जानकारी दिए। बैठकले नयाँ सरकार गठनका लागि काँग्रेससँग गरिएको समझदारीको स्वागत गर्दै मुलुकलाई राजनीतिक स्थिरता दिने, सुशासन, समृद्धि र विकासको कामलाई तिब्रता दिने काममा सहयोग गरेको निस्कर्ष निकाल्दै नेपाली कांग्रेसलाई पनि धन्यवाद दिएको छ।
यता प्रधानमन्त्री दाहालले भने आगामी असार २८ गते संसदबाट विश्वासको मत लिने तयारी गरेका छन्। कांग्रेससँगको सहमती अनुसार नयाँ सरकारको नेतृत्व लिने तयारीमा रहेको एमालेले भने दाहाल नेतृत्वको सरकार अल्पमतमा परिसकेकाले उसले तत्काल सरकार छोडी नयाँ सरकार गठन प्रक्रिया अघि बढाउन विलम्व गर्न नहुने निष्कर्ष निकालेको हो।
थप समाचारहरु
प्रधानमन्त्रीलाई तत्काल राजीनामा दिन एमाले संसदीय दलको आह्वान
प्रधानमन्त्रीले राजीनामा दिएर नयाँ सरकार गठनका लागि सहयोग गर्नुपर्छ : बर्तौला
तत्काल राजीनामा नदिने प्रधानमन्त्री प्रचण्डको संकेत
मुख्यमन्त्री जम्कट्टेललाई राजीनामा दिन काँग्रेसको आग्रह
एमालेले सुदूरपश्चिम सरकारलाई विश्वासको मत नदिने, पक्षमा मतदान गर्न माओवादीको निर्देशन
रास्वपाले प्रचण्डलाई अन्तिमसम्म साथ दिने, राजीनामा नदिने
तपाईको प्रतिक्रिया दिनुहोस्