पार्टी फुटाउने सोच छैन : शशांक कोइराला

काठमाडौं । नेपाली कांग्रेसका नेता डा. शशांक कोइरालाले पार्टी विभाजन वा नयाँ दल गठन गर्ने पक्षमा आफू नरहेको बताएका छन्।

काठमाडौंमा आयोजित संस्थापन इतर पक्षको राष्ट्रिय भेलामा बोल्दै उनले पार्टीलाई समयअनुकूल सुधार र परिमार्जन गर्दै अघि बढाउनुपर्ने बताए। पार्टीभित्रका असन्तुष्टि संवादबाट समाधान गर्न सकिने उनको भनाइ छ।

• 

• 

१५औं महाधिवेशनमा सभापति बन्ने आफ्नो चाहना रहेको बताउँदै कोइरालाले साथीहरूसँगको परामर्शपछि मात्रै अन्तिम निर्णय गर्ने बताए। उनले डा. शेखर कोइराला सभापतिमा अघि बढे पूर्ण सहयोग गर्ने प्रतिबद्धता पनि जनाए।