दाक्सु मिडिया
काठमाण्डौँ । कर्णालीका डोल्पा र हुम्ला जिल्लाका विकट मतदान केन्द्रमा हेलिकोप्टरबाट निर्वाचन सामाग्री पुर्याउन थालिएको छ । फागुन २१ गते हुने प्रतिनिधिसभा निर्वाचनका लागि आवश्यक सामाग्री र कर्मचारीहरू नेपाली सेनाको हेलिकोप्टरबाट मतदान केन्द्रमा पुर्याउन लागिएको हो । गत साता परेको हिउँले बाटो बाटो बन्द भए पनि हेलिकोप्टर प्रयोग गर्नु परेको हो ।
डोल्पाको डोल्पोबुद्ध गाउँपालिकामा-६, छार्काताङसोङ गाउँपालिकामा ६ र शेफोक्सुण्डो गाउँपालिकाकामा ११ मतदान केन्द्रमा शनिबारदेखि नेपाली सेनाको हेलिकोप्टरबाट निर्वाचन सामग्री र कर्मचारी पठाउन थालिएको डोल्पाका प्रमुख जिल्ला अधिकारी जुनु हमालले बताइन् ।
हुम्लाको नाम्खा गाउँपालिकामा ४ मतदान स्थलमा पनि हेलिकप्टर प्रयोग गर्ने निर्णय भएको हुम्लाका प्रमुख जिल्ला अधिकारी टेककुमार रेग्मीले बताए ।
नाम्खा गाउँपालिका-६ को हिमालपारिको गाउँ लिमीको भृकुटी आधारभूत विद्यालय जाङ, सुनखानी आधारभूत विद्यालय हल्जी, हिमशिखर आधारभूत विद्यालय तील सोही गाउँपालिका(४ को हिमालय आधारभूत विद्यालय चाला मतदान केन्द्रमा निर्वाचनमा खटिएका कर्मचारी र मतपत्रलगायतका सामग्री हेलिकोप्टरबाट ढुवानी गरिने प्रमुख जिल्ला अधिकारी रेग्मीले बताए ।
हिमपातले यातायात सेवा अवरुद्ध भएका कारण चारवटा मतदान केन्द्रमा २० कर्मचारी, नेपाली सेना, निर्वाचन प्रहरी, नेपाल प्रहरीसहितका सुरक्षाकर्मी ८० जना गरी एक सय दुई जना कर्मचारी र निर्वाचन सामग्री हेलिकोप्टरबाटै पठाइने बताए ।
थप समाचारहरु
हुम्लाका पन्ध्र मतदान केन्द्रमा ३ सयभन्दा कम मतदाता
जुम्लाको चन्दननाथ मतदान केन्द्रमा सबै कर्मचारी महिला मात्र खटिदै
मकवानपुरमा निर्वाचनका लागि खटिने कर्मचारीलाई तालिम दिन थालियो
स्याङ्जा पुग्यो ५१ प्रकारका निर्वाचन सामाग्री
झापाको तीन मतदान केन्द्रमा महिलाले नेतृत्व सम्हाल्ने
निर्वाचन आयोगले भन्यो : ६१ प्रतिशत मतदान, ४ जिल्लाका १५ स्थानमा स्थगित
तपाईको प्रतिक्रिया दिनुहोस्