दुई महिनामा सरकारको ढुकुटीमा थपियो १ खर्ब ८३ अर्ब

काठमाडौं । चालु आर्थिक वर्षको सुरुआती दुई महिनामा सरकारले १ खर्ब ८३ अर्ब २१ करोड रुपैयाँ राजस्व संकलन गरेको छ।

यो रकम गत आर्थिक वर्षको यही अवधिको तुलनामा २५ अर्ब ६७ करोड रुपैयाँ बढी हो। गत वर्ष भदौ मसान्तसम्म १ खर्ब ५७ अर्ब ५३ करोड रुपैयाँ राजस्व उठेको थियो।

यसपटक संकलित रकममध्ये करबाट १ खर्ब ७२ अर्ब ४३ करोड र गैरकरबाट १० अर्ब ७८ करोड रुपैयाँ प्राप्त भएको छ।

• 

सरकारले चालु वर्ष १५ खर्ब ८० अर्ब ३२ करोड रुपैयाँ राजस्व उठाउने लक्ष्य राखेको छ। भदौ मसान्तसम्मको संकलन लक्ष्यको ११.५९ प्रतिशत हो।

अनुदानसहित सरकारको कुल प्राप्ति भने १ खर्ब ८४ अर्ब ५८ करोड रुपैयाँ पुगेको छ।