नेपाल बैंक र सिग्मा डायग्नोस्टिक्सबीच स्वास्थ्य सेवामा छुट सम्झौता

काठमाण्डौँ । नेपाल बैंक लिमिटेड र सिग्मा डायग्नोस्टिक्स ल्यावरेटरी प्रा. लि. बीच विशेष स्वास्थ्य सेवा सम्झौता भएको छ।

यस सम्झौता अनुसार, नेपाल बैंकमा खाता भएका ग्राहकहरू, बैंक कर्मचारीहरू र उनीहरूका परिवारका सदस्यहरूले भक्तपुर, राधेराधे स्थित सिग्मा डायग्नोस्टिक्स ल्यावबाट प्रदान गरिने स्वास्थ्य सेवामा २० देखि ५० प्रतिशत छुट पाउनेछन्। छुट डिजिटल कारोबारमार्फत मात्र लागु हुनेछ।

• 

• 

• 

सम्झौतामा बैंक तर्फबाट बजारीकरण तथा अनुसन्धान डिभिजन प्रमुख निर्मल सुवेदी र सिग्मा डायग्नोस्टिक्स तर्फबाट निर्देशक वेद प्रकाश मिश्रले हस्ताक्षर गरेका छन् । यसबाट बैंकका कर्मचारी र ग्राहकहरूले डायग्नोस्टिक सेवा सहज र सहुलियतपूर्ण रुपमा प्राप्त गर्न सक्नेछन् ।