दाक्सु मिडिया
२०८३ आश्विन २८
काठमाडौं । नेपालबाट यस वर्षको मनसुन पूर्ण रूपमा बाहिरिएको छ। जल तथा मौसम विज्ञान विभागका अनुसार असोज २८ देखि देशभर मनसुनको प्रभाव अन्त्य भएको हो।
मनसुन हटेसँगै दसैँ अवधिमा मौसम सामान्यतया सफा र घमाइलो रहने पूर्वानुमान गरिएको छ। यद्यपि, पहाडी क्षेत्रका एक–दुई स्थानमा छिटपुट वर्षा हुन सक्ने भएकाले सतर्क रहन मौसमविद्हरूले सुझाव दिएका छन्।
यस वर्ष असार ५ गते नेपाल प्रवेश गरेको मनसुन सामान्य समयभन्दा १२ दिन ढिलो बाहिरिएको हो। मनसुन अवधिभर समग्रमा सरदर वर्षा भए पनि हिमाली क्षेत्रमा तराई र पहाडी भेगको तुलनामा बढी वर्षा भएको विभागले जनाएको छ।
तपाईको प्रतिक्रिया दिनुहोस्