भट्टराईको प्रश्न–‘सानालाई कानुन, ठूलालाई उन्मुक्ति किन?’

काठमाडौँ । पूर्वप्रधानमन्त्री डा. बाबुराम भट्टराईले ठूला भ्रष्टाचारका घटनामा कारबाही अघि बढाउन नसकिएको भन्दै सरकार र न्यायिक प्रणालीमाथि प्रश्न उठाएका छन्।

उनले सामाजिक सञ्जालमार्फत पहुँच नभएकामाथि कानुन कडाइका साथ लागू हुने तर पहुँचवालामाथि प्रमाण नपुगेको भन्दै उन्मुक्ति मिल्ने अवस्था देखिएको बताएका हुन्।

• 

भट्टराईले ठूला भ्रष्टाचारका प्रकरणमा अनुसन्धान र कारबाहीबाट पछि हट्ने प्रवृत्तिले सुशासनको नारामाथि नै प्रश्न उठाउने उल्लेख गरेका छन्। देशमा जरा गाडेका भ्रष्टाचारका संरचना अन्त्य नगरेसम्म सुशासन र समृद्धिको सुरुवात हुन नसक्ने उनको भनाइ छ।