अर्थमन्त्री वाग्ले तीनदिने भारत भ्रमणमा

काठमाडौं । अर्थमन्त्री डा. स्वर्णिम वाग्ले तीनदिने भारत भ्रमणका लागि बिहीबार बिहान नयाँदिल्ली प्रस्थान गरेका छन्।

भ्रमणका क्रममा उनले भारतीय अर्थमन्त्री निर्मला सीतारमण र विदेशमन्त्री एस जयशंकरसँग भेटवार्ता गर्नेछन्। साथै, भारतीय उद्योग परिसंघको कार्यक्रममा सहभागी हुँदै लगानी तथा आर्थिक सहकार्यबारे छलफल गर्ने कार्यक्रम छ।

• 

वाग्लेले दिल्ली स्कुल अफ इकोनोमिक्समा विकास अर्थनीतिसम्बन्धी छलफलमा समेत सहभागिता जनाउनेछन्। विपद्पछिको पुनर्निर्माण तथा नेपाल–भारतबीच आर्थिक, राजनीतिक र कूटनीतिक सहकार्यलाई भ्रमणको प्रमुख उद्देश्य बताइएको छ।

अर्थमन्त्री वाग्ले शनिबार साँझ नेपाल फर्किने कार्यक्रम छ।