एभरेष्ट बैंकको नयाँ एक्सटेन्सन काउण्टर तानसेनमा सञ्चालन

पाल्पा । एभरेष्ट बैंक लिमिटेडले पाल्पाको तानसेन नगरपालिका–७ स्थित लुम्बिनी मेडिकल कलेज एण्ड टिचिङ हस्पिटल लिमिटेडको परिसरमा नयाँ एक्सटेन्सन काउण्टर सञ्चालनमा ल्याएको छ।

बैंकले भदौ १ गतेदेखि उक्त काउण्टरमार्फत बैंकिङ सेवा सुरु गरेको हो। नयाँ काउण्टर सञ्चालनमा आएसँगै एभरेष्ट बैंकका एक्सटेन्सन काउण्टरको संख्या पाँच पुगेको छ।

• 

लुम्बिनी मेडिकल कलेज परिसरमा काउण्टर स्थापना भएपछि तानसेन तथा आसपासका सेवाग्राहीलाई दैनिक बैंकिङ कारोबारका लागि सहज हुने बैंकले जनाएको छ। बैंकका अनुसार काउण्टरबाट ग्राहकले सरल, छरितो र आधुनिक बैंकिङ सेवा प्राप्त गर्न सक्नेछन्।

नयाँ काउण्टरले स्थानीयस्तरमा बैंकिङ पहुँच विस्तार गर्दै सेवाग्राहीलाई थप सुविधा पुग्ने विश्वास बैंकले लिएको छ।