महिला टी–२० च्यालेन्ज ट्रफीमा आज नेपाल र इटाली प्रतिस्पर्धा गर्दै

काठमाडौँ । आईसीसी महिला टी–२० च्यालेन्ज ट्रफीमा आज नेपाल र इटालीबीच प्रतिस्पर्धा हुँदैछ । यो खेल नेपाली समय अनुसार बेलुका पौने ५ बजेदेखि रुवान्डामा शुरु हुनेछ ।

यसअघि नेपालले खेलेका ७ खेलमा ४ जित र ३ हार बेहोरेको छ । नेपाल अमेरिकासँग दुवै खेलमा र भानुआटुसँगको पहिलो खेलमा पराजित भएको थियो भने घरेलु टोली रुवाण्डालाई दुवै खेलमा, इटालीलाई पहिलो खेलमा र बिहीबार भएको खेलमा भानुआटुलाई हराएको थियो ।

• 

• 

• 

प्रतियोगितामा अमेरिका, नेपाल, इटाली, भानुआटु र आयोजक रुवान्डा छन् । नेपाल यसअघि नै उपाधि होडबाट बाहिरिसकेको छ । महिला टी–२० च्यालेन्ज ट्रफीको शीर्षस्थानमा रहेको अमेरिकाले उपाधि जितेको छ । उपाधि जितिसकेको अमेरिकाले पनि आफ्नो अन्तिम खेल आज रुवाण्डासँग खेल्दैछ ।