अध्यादेशबारे छलफल गर्न विपक्षी दलहरूको बैठक बस्दै

काठमाण्डौँ । सरकारले संवैधानिक परिषद् सम्बन्धी र सहकारी सम्बन्धी अध्यादेश जारी गर्न राष्ट्रपति रामचन्द्र पौडेललाई सिफारिस गरेपछि त्यसबारे धारणा तय गर्न प्रमुख प्रतिपक्षी दल नेपाली कांग्रेसले विपक्षी दलहरूको बैठक बोलाएको छ।

कांग्रेस संसदीय दलका नेता भीष्मराज आङदेम्बेले बोलाएको बैठक सिंहदरबार स्थित कांग्रेस संसदीय दलको कार्यालयमा बस्ने आङदेम्बेका स्वकीय सचिव एम ढुङ्गानाले बताए । उनका अनुसार विपक्षी दलहरू नेकपा एमाले, नेपाली कम्युनिस्ट पार्टी, राष्ट्रिय प्रजातन्त्र पार्टी र श्रम संस्कृति पार्टीलाई बोलाइएको छ।

• 

• 

• 

गत सोमबार बसेको मन्त्रिपरिषद् बैठकले दुई अध्यादेश जारी गर्नका लागि राष्ट्रपति रामचन्द्र पौडेल समक्ष सिफारिस गरेको थियो । राष्ट्रपति कार्यालयले भने अध्यादेश अध्ययनका क्रममा रहेका बताएको छ।