अफगानिस्तानमा ३७ स्थान लक्षित कारबाही, सयौँ तालिवान लडाकु मारिएको पाकिस्तानको दाबी

काठमाडौं — पाकिस्तान ले अफगानिस्तानका विभिन्न क्षेत्रमा हवाई आक्रमण गरी ठूलो क्षति पुर्‍याएको दाबी गरेको छ। पाकिस्तानी सूचनामन्त्री अताउल्लाह तारड का अनुसार २८ फेब्रुअरी बिहानसम्म ३३१ अफगान तालिवान सदस्य मारिएका र पाँच सयभन्दा बढी घाइते भएका छन्।

बीबीसी ले जनाएअनुसार पाकिस्तानले १०४ चौकी ध्वस्त पारिएको तथा २२ चौकी आफ्नो नियन्त्रणमा लिएको दाबी गरेको छ। साथै अफगानिस्तानका ३७ स्थानमा हवाई आक्रमण गरिएको र सैन्य अभियान जारी रहेको मन्त्री तारडको भनाइ छ।

• 

उता अफगानिस्तान को तालिवान प्रशासनले शनिबारको आक्रमणबारे औपचारिक प्रतिक्रिया सार्वजनिक गरेको छैन। तालिवान सरकारका प्रवक्ता अब्दुल हक फिदा लाई उद्धृत गर्दै बीबीसीले रमजानपछि खोस्त क्षेत्रमा लडाइँ पुनः सुरु भएको जनाएको छ।

क्षेत्रीय तनाव चुलिँदै जाँदा दुवै पक्षका दाबीबीच वास्तविक अवस्थाबारे स्वतन्त्र पुष्टि हुन बाँकी रहेको छ।