दाक्सु मिडिया
९ असार, काठमाडौं । प्रतिनिधि सभा विघटनविरुद्ध परेका रिटमाथि आजदेखि संवैधानिक इजलासमा सुनुवाइ हुने निर्णय भएको छ ।
प्रतिनिधि सभा विघटन गर्दै जेठ ७ गते मन्त्रिपरिषद्को सिफारिसमा राष्ट्रपति विद्यादेवी भण्डारीले निर्वाचन घोषणा गर्नुभएको थियो।आजबाट सोही कार्य विरूद्ध परेका रिटमा सुनुवाइ सुरु हुन लागेको हो ।
सर्वोच्चमा ३० रिट परेका मध्ये सबैभन्दा पहिला नेपाली कांग्रेसका सभापति शेरबहादुर देउवालाई प्रधानमन्त्री बनाउनु पर्ने मागसहितको रिटमा सुनुवाइ हुने छ ।
देउवालाई प्रधानमन्त्री बनाउनु पर्ने भन्दै १४६ जना सांसदले सर्वोच्च पुगेर रिट दायर गरेका थिए । देउवालाई प्रधानमन्त्री बनाउन आफ्नो समर्थन रहेको भन्दै १४९ सांसदले शितल निवासमा हस्ताक्षर बुझाएका थिए ।
नेकपा एमालेका अध्यक्ष केपी शर्मा ओलीले पनि एमाले संसदीय दल र जनता समाजवादी पार्टीको संसदीय दलले आफूलाई प्रधानमन्त्रीमा समर्थन गरेको दाबी शितल निवासमा प्रस्तुत गरेका थिए । तर, राष्ट्रपतिले दुबै मागदाबी खारेज गर्दै प्रधानमन्त्रीको सिफारिसमा प्रतिनिधि सभा विघटन गरेकी थिइन् ।
थप समाचारहरु
प्रतिनिधि सभा विघटन मुद्दा : आजदेखि संवैधानिक इजलासमा निरन्तर सुनुवाइ
प्रतिनिधि सभा विघटन विरुद्ध परेको रिटमा सुनुवाई
संसद विघटन सम्बन्धी २९ मुद्दाको सुनुवाई संवैधानिक इजलासमा हुँदै
संवैधानिक नियुक्ति मुद्दाको सुनुवाइ रोक्ने अन्तरिम आदेश खारेज गर्न सर्वोच्चमा निवेदन
प्रतिनिधि सभा मुद्दा आज सुनुवाइ हुँदै
संवैधानिक इजलासमा प्रधानन्यायाधीश बस्न पाउने नपाउने छिनोफानो आज गर्ने सम्भावना
तपाईको प्रतिक्रिया दिनुहोस्