दाक्सु मिडिया
काठमाण्डौँ । काठमाण्डौंबाट खाँदबारी जाँदै गरेको माइक्रोबस धनकुटामा दुर्घटना हुँदा १ जनाको मृत्यु भएको छ । दुर्घटनामा १४ जना घाइते भएका छन् ।
मध्यपहाडी लोकमार्गमा अन्तर्गत धनकुटाको पाख्रिबास नगरपालिका–५, भैँसेमा बा.४ ख ५५०२ नम्बरको सप्तकोसी हाइस अनियन्त्रित भई सडकबाट करिब ६०–७० मिटर तल खसेको जिल्ला प्रहरी कार्यालय धनकुटाले जनाएको छ ।
दुर्घटनामा घाइते भएकी संखुवासभा, सभापोखरी–२ की ८२ वर्षीया सावित्रा कालाखेतीको उपचारका क्रममा मृत्यु भएको हो ।
जिल्ला अस्पताल धनकुटामा प्रारम्भिक उपचारपछि गम्भीर अवस्थाका दुई घाइतेलाई बीपी कोइराला स्वास्थ्य विज्ञान प्रतिष्ठान धरान रेफर गरिएको र दुर्घटनाको कारणबारे अनुसन्धान भइरहेको प्रहरीले जनाएको छ।
घाइते हुनेहरुमा धनकुटा महालक्ष्मीका प्रहरी जवान सुजता गिरी, संखुवासभा सिलिचुङका संगिता राई, नरेन्द्र राई, लमु शेर्पा, निर्जला राई, बिनिता राई, जेसन राई , सन्त बहादुर तामाङ, पासाङ शेर्पा ,रत्नबहादुर विक र दिपेन्द्र बुढाथोकी रहेका छन् ।
थप समाचारहरु
सुर्खेतमा गाडी दुर्घटना हुँदा ४ जनाको मृत्यु, एक जना घाइते
रामेछापमा जीप दुर्घटना हुँदा तीन जनाको मृत्यु, १० वर्षका बालक घाइते
धनकुटामा बस दुर्घटनाः दुई जनाको ज्यान गयो
मुगुमा टयाक्टर दुर्घटना हुँदा चालकको मृत्यु, एक घाइते
सल्यानमा जीप दुर्घटना हुँदा एकको मृत्यु, सात घाइते
पर्वतमा जीप दुर्घटना हुँदा दुईको मृत्यु, सात जना घाइते
तपाईको प्रतिक्रिया दिनुहोस्