नेपालमा सात वटा बाहेक अन्य सबै सामाजिक सञ्जाल बन्द गर्ने सरकारको निर्णय

काठमाडौँ । नेपाल सरकारले सञ्चार तथा सूचना प्रविधि मन्त्रालयमा सूचीकरण नभएका सामाजिक सञ्जालहरू बन्द गर्ने निर्णय गरेको छ। हालसम्म भाइबर, वीच्याट, टिकटक, निम्बज र पोपोलाइभ सूचीकरण भइसकेका छन् भने टेलिग्राम र ग्लोबल डायरी प्रक्रियामा छन्।

मन्त्रालयका प्रवक्ता गजेन्द्रकुमार ठाकुरका अनुसार यी सात बाहेक अन्य सबै सञ्जाल निष्क्रिय गर्न नेपाल दूरसञ्चार प्राधिकरणलाई निर्देशन दिइएको छ।

• 

• 

फेसबुक (मेटा) र एक्स (ट्विटर) लाई पटकपटक पत्राचार गर्दा पनि प्रतिक्रिया नआएकाले बाध्य भएर यो कदम चालिएको प्रवक्ता ठाकुरले बताए।

सूचीकरणका लागि सामाजिक सञ्जालहरूले अनलाइन निवेदन, सम्पर्क व्यक्ति तोक्नुपर्ने र कर विवरण प्रस्तुत गर्नुपर्ने व्यवस्था छ।

सर्वोच्च अदालतको आदेश अनुसार नै मन्त्रालयले यस्तो सूचीकरण प्रक्रिया अघि बढाएको हो। साथै, सम्बन्धित कानुन राष्ट्रिय सभामा छलफलको क्रममा रहेको पनि मन्त्रालयले जानकारी दिएको छ।