देशभर बदली, धेरै क्षेत्रमा मेघगर्जनसहित वर्षाको सम्भावना

काठमाडौं । मनसुनी वायुको प्रभावका कारण आज देशभर सामान्यदेखि पूर्ण बदली रहने अनुमान गरिएको छ। मौसमविद्का अनुसार कोशी, बागमती, गण्डकी र मधेस प्रदेशका धेरै स्थानमा मेघगर्जन तथा चट्याङसहित हल्कादेखि मध्यम वर्षा हुन सक्ने सम्भावना रहेको छ। लुम्बिनी, कर्णाली र सुदूरपश्चिमका केही स्थानमा पनि वर्षा हुने अनुमान गरिएको छ।

दिउँसो विशेषगरी पहाडी र तराई क्षेत्रका विभिन्न स्थानमा वर्षाको गतिविधि बढ्न सक्ने जनाइएको छ। रातिको समयमा पनि देशका पहाडी तथा हिमाली भूभागका केही स्थान र तराईका थोरै क्षेत्रमा वर्षाको सम्भावना कायम रहनेछ।

• 

• 

निरन्तर वर्षाका कारण सडक यात्रा प्रभावित हुन सक्ने तथा चट्याङको जोखिम रहने भएकाले आवश्यक सावधानी अपनाउन मौसमविद्ले आग्रह गरेका छन्।