थुलुङ दुधकोशीमा मातृभाषा कविता तथा गीत महोत्सव २०८३ आयोजना हुने

सोलुखुम्बु । थुलुङ दुधकोशी प्रज्ञा प्रतिष्ठानले थुलुङ दुधकोशी गाउँपालिकाको आर्थिक सहयोगमा असार १९ गते “मातृभाषा कविता तथा गीत महोत्सव २०८३” आयोजना गर्ने भएको छ। कार्यक्रम सोलुखुम्बुको मुक्लीस्थित गाउँपालिकाको सभाहलमा बिहान ११:०० बजेदेखि सुरु हुनेछ।

महोत्सवमा सबै भाषाका कवि तथा गीतकारहरूको सहभागिता रहनेछ। मातृभाषामा लेखिएका रचनाहरू नेपाली भाषामा अनुवाद गरी असार १५ गतेभित्र ईमेलमार्फत पठाउनुपर्नेछ। प्राप्त रचनाहरू प्रतिष्ठानको स्मारिकामा प्रकाशन गरिनेछ।

• 

कार्यक्रम समावेशी, बहुभाषी तथा रैथाने ज्ञान र साहित्यको संरक्षण एवं प्रवर्द्धनमा केन्द्रित रहने आयोजकले जनाएको छ। सहभागी सर्जकहरूलाई प्रोत्साहन स्वरूप भत्ता उपलब्ध गराइने पनि सूचनामा उल्लेख छ।