हलेसी तुवाचुङ नगरपालिकाको १७औं नगरसभा असार ९ गते कोटगैरामा हुने

काठमाडौँ ।  हलेसी तुवाचुङ नगरपालिकाले १७औं नगरसभा असार ९ गते सोमबारका दिन आयोजना गर्ने भएको छ। स्थानीय सरकार सञ्चालन ऐन, २०७४ को दफा १९(२) बमोजिम नगर प्रमुख विमला राईद्वारा उक्त सभा आह्वान गरिएको हो।

नगरसभा बिहान ११:०० बजे कोटगैरा स्थित होलेसुङ रिसोर्ट प्रा.लि. को सभाहलमा सुरु हुनेछ। सो अधिवेशनमा आगामी आर्थिक वर्ष २०८२/८३ को नीति, कार्यक्रम र बजेटमाथि छलफल हुने अपेक्षा गरिएको छ।

नगरपालिकाका प्रमुख प्रशासकीय अधिकृत वसन्त गिरीले नगरसभा सदस्यहरुलाई समयमै उपस्थित भई सभालाई सफल बनाउन अनुरोध गरेका छन्। नगरसभा स्थानीय तहको महत्वपूर्ण नीति निर्धारण मंच भएकाले यसमा सक्रिय सहभागिता अपेक्षित गरिएको छ।

थप समाचारहरु

हलेसी तुवाचुङ नगरपालिकाको १७औं नगरसभा प्रारम्भ – समृद्धिको दिशामा प्रतिबद्धता हलेसी तुवाचुङ नगरपालिकाद्वारा ‘प्रतीक चिह्न’ (लोगो) सार्वजनिक हलेसी तुवाचुङ नगरपालिकामा खुल्ला महिला फुटबल प्रतियोगिता हुने हलेसी तुवाचुङ नगरपालिकालाई पान उत्कृष्ट नगरपालिका पुरस्का इन्जिनियरिङ पढ्न हलेसी तुवाचुङको एक लाख छात्रवृत्ति खोटाङको हलेसी तुवाचुङले थाल्यो मदिराको ब्राण्डिङ